ASERGMV kaa ref mal naa Maat ne jegna, ta doonel na xa ƥay ministeer fee na saytuwaa kaa jofna no roofand taxar ke no saax le fo na xa ƥay fa ministeer fee saqna nafa ne no saax le.
Kaa sinjel ndax ta at pexey no coono ke Senegaal a jegna na cimbatin taxar, fa karin a koƥ a ƥor ale na ɓeedaa saax le. Neene, ASERGMV fapwa ndax ta jootin a cimbatin taxar a saƭku kam saax le fop, ne maat ne yuuɓtuuna no ƭaap ne na xoyeel PSE WEER, ta tekit Senegal a Weƴ, a Sutu Kam a Koƥ Taxar a Ñaatu. Ndax neene waag o jeg, xan fop a fiyel boo lanq ke ndak o nqaaɗ, a koƥ ale joku, taxar a njimbel, a yoon fo tuufe-duufe kaa na ƥisiidkaa wiin we o njiriiñ onqaa da ñoowtaa.
Ten doxne itam ƭaap ne neeena Miir Maak Taxar, na tuɓaaɓ, ta xoyeel Garaand Miraay Werte.
Kom neene jegtu, ASERGMV kaa bug ndamlax saƭku no we ngenna na saate yoo saate ndax da njeg pepiñeer a qoox den, ta refkaa kaa yooɓandna a cimbat ale fo tuufe-duufe lakas kaa da njirñooraa
ASERGMV a ɓeka o ɓay um tigi no fi boo lanq ke maaskatee fo no moƴ o waaƭ o and olaa jirñooreena no ke ta saseena ndax gentand we mbaag o ñoowaa teen.
Xan nu mbaag o mbel o jaf in meeke no lak ke no saax le. A jegangaa kaa nu mbugna ƥaat a in no yiif, mbaat nu mbug o nqooɗand o and nuun fa in itam a waaga jeg.